Bagyong Emong paguwa eon it nasyon, sambilog pang LPA nasip-eatan sa Palawan

Napabilin it Bagyong Emong ro kabaskog samtang nagapaguwa it Philippine Area of Responsibility.

Suno sa Philippine Atmospheric, Geophysical and Astronomical Services Administration, gina-eauman nga magaguwa it PAR ro bagyo hindunang alas 2:00 it hapon, July 6.

Ulihing nasip-eatan ro bagyo sa 165 kilometers east it Itbayat, Batanes.

Nagahueag ro bagyo sa kadasigon nga 25 kilometers per hour.

Daea it bagyo ro hangin nga 55 kilometers per hour ag pagbugso nga 70 kilometers per hour.

Kon makaguwa eon  it nasyon,  ginaeauman nga maga-landfall ro  bagyo sa parte it China.

Samtang, sambilog  pang low pressure area ro nasip-eatan it Pagasa sa 535 kilometers northwest it Pagasa Island, Palawan.