Bagyong Tisoy, uwa it naging mabahoe nga epekto sa Aklan

KALIBO, Aklan—Sa pihak nga ginpaidaeum ro probinsiya it Aklan sa storm signal no. 2 tuga it bagyong Tisoy, apang owa raya it masyadong naging mabahoe nga epekto sa probinsiya.

Suno kay Galo Ibardolasa, action man it Provincial Disaster Risk Reduction and Management Office ukon PDRRMO-Aklan nga sa mayad nga swerrte hay bukon it masyadong bunok ro uean ag katamtaman eamang ro kabaskog it hangin rason nga owa it masyadong naexperiensiyahan ro mga madaeum nga baha ag pagka-euka it mga puno it kahoy ag pagkasamad it mga panimaeay.

Ginpahayag dugang nga padayun man ro andang monitoring sa  water level  sensor sa mga kasubaan sa Aklan ag owa man it nataeupangdan nga pagtaas it tubi sa suba.