KALIBO, Aklan—-Agaw atensiyon makarun ag palaisipan sa mata it publiko ro sangka tiyo it baka sa Brgy. Libas, Banga nga gintawong medyo may pakpak nga itsurang ikog sa anang likod nga parte it eawas bandang alas 10:00 it agahon ko Sabado nga adlaw.
Suno sa sambilog sa mga tag-iya it baka nga si Norly Cuarton ag residente it nasambit nga lugar nga sa makarun hay hugot nandang gina-obserbahan ro kahimtangan it nasambitan nga sapat.
Apang ginklaro man kara nga normal ro kondisyon makarun it tiyo nga eaeaki.
Raya man sigon ro pinakaunang tiyo it anang inahan nga baka nga may masobra sang dag-on eun ro edad.
Ro nasambitan nga baka hay orihinal nga ginapag-iyahan it anang magueang nga nagatrabaho sa ibang nasyon ag ginpaalagaan kana.
Samtang ginpahayag dugang ni Cuarton nga sa sueod it 20 anyos kara nga pag-alaga it mga sapat hay makara pa eamang imaw nakakita it may kapareho kara nga kondisyon.
