Siyam nga adlaw eon lang ag face-to-face classes eon sa pampublikong eskuwelahan sa bilog nga nasyon.
Suno kay Vice President ag DepEd secretary Sara Duterte nga indi eon mapaiway ro pagbukas it klase.
Nakaangkon eon it Brigada Eskuwela kun sa siin, nagbueuligan ro mga manugturo, ginikanan ag iba pang civic organization sa paglimpyo it mga eskuwelahan.
Ro sangka indi pa masiguro hay kon mabakunahan ro tanan nga mga unga nga magabalik sa eskuwelahan.
Sa makaron, 4.2 milyong unga pa eamang ro nabakunahan ag owa pa sanda it booster shots.
Suno sa DepEd, may kabilugan nga 15.2 milyon ro mga unga nga magasueod sa pagbukas it klase ag owa pa sa katunga ro nabakunahan.
Ginmandu ni President Ferdinand Marcos Jr. nga padasigon ro pagbakuna ag pagtau it booster shots antes ro pagbukas it face-to-face classes.
Importante sigon nga mabakunahan ro mga unga bangud nga raya ro andang proteksiyon kontra sa COVID-19.
Ginpromisa man it Department of Health (DOH) nga mabakunahan ag mataw-an it booster shots ro mga unga antes ro face-to-face classes.
Maga-setup sigon sanda it mobile vaccination sites sa mga eskwelahan.
Importanteng mabakunahan ro mga unga antes mag face to face.
Makaron nga naga inabu ro kaso hay nagakadapat nga may una sanda nga proteksiyon.
