KALIBO, Aklan—Naglunsar it “Balay Silangan” ukon Reformation Program ro Philippine Drug Enforcement Agency (PDEA) para sa mga pusher surrenderer.
Raya hay kaangot it kampanya it gobyerno kontra illegal nga droga.
Suno kay Shey Tanaleon, Public Information Officer it PDEA-VI, sa rayang pamaagi hay mataw-an sanda it tyansa nga maging produktibo imbes nga ibutang sa presuhan.
Target sigon it programa hay ro mga boluntaryong nagsurrender ag gustong magbag-o it kabuhi.
Ro Balay Silangan ro magaserbing temporaryong istaran it mga boluntaryong nagsurrender nga mga indibidwal nga eakot sa mga aktibidad it iligal nga droga samtang nagapaidaeom ro mga raya sa repormasyon ukon pagbag-o it kabuhi hasta sa makabalik sa andang komunidad.
Pila sa mga programang ginatao sa Balay Silangan hay may kaangtanan sa values formation, moral recovery, physical activities, livelihood ag skills training.
Ginpahayag dugang nga magatao man it livelihood assistance ro ahensya sa mga surrenderee sa oras nga maka-graduate eon sanda sa pasilidad.
