-- ADVERTISEMENT --
KALIBO, Aklan—Balik operasyon eon hin-aga nga adlaw it Sabado ro Balete Public Market matapos raya nga temporaryong saraduhon ko adlaw it Huwebes ag Biyernes para taw-an it daean ro paglimpyo ukon disinfection.
Ginklaro man ni Mr. Apolinar Cleope, consultant it LGU-Balete nga owa it may nagpositibo sa deadly virus sa nasambit nga tindahan.
Ro nasambit nga tikang suno kana hay bilang pagsunod sa COVID-19 preventive measure bangud maabo nga mga tawo ro nagasueod sa andang merkado publiko.
Maid-id man sigon nga ginapatuman ro minimum health standard sa andang banwa.
Mag-eowas sa tindahan, ginpaidaeom man sa disinfection ro municipal building ag iba pang public building it lokal nga gobyerno it Balete.
-- ADVERTISEMENT --
