Nagpaguwa it warrant of arrest ro Makati City Regional Trial Court Branch 148 kontra kay Atty. Levito Baligod angot it 2 counts it cyberlibel nga ginpasaka ni Agriculture Secretary Francisco Tiu Laurel Jr. matapos sigon imaw nga pasibangdan nga nagbaton it kickback sa mga flood control project.
Ginapabayad man ro abogado it tig-P20,000 piyansa sa kada count it kaso.
Ginkumpirma ni Baligod nga nabaton nana ro warrant apang ginpamilit nga uwa imaw nataw-an it kahigayunan nga maka-sumite it counter-affidavit bangud sigon sa saea nga address nga ginamit it piskalya kaya uwa nana nabaton ro subpoena.
Nakaeusot sigon ro kaso bangud sa nasambit nga pagkasea sa proseso it imbestigasyon.
Ginmanduan man it korte ro mga awtoridad nga sundon ro mga sueundanan it Korte Suprema sa paggamit it body-worn cameras ukon iba pang recording devices sa oras it pag-aresto kay Baligod, nga presenteng naga-serbeng abogado it 18 dating bodyguard ni dating Ako Bicol Party-list Representative Zaldy Co.
