KALIBO, Aklan—Nagsangkiri ro mga bumaeakae it bueak ko Nobyembre 1 sa pagdumdom it All Saints Day.
Raya ro naging pahayag ni Jenelyn Mangpang negosyante it bueak sa interview it Bombo Radyo Kalibo.
Suno pa kana nga may mga nagpareserved apang ro numero hay maeayo kon ikumpara ko nagtaliwan nga dag-on.
Paathag pa ni Mangpang nga kaeabanang ko Oktubre 30-31 ro peak it andang baligya ukon pagdagsa it mga bumaeakae.
Sa pihak kara, nagaeaum sanda nga magadagsa pa hasta makaron nga adlaw ro mga tawo.
Pahayag nana nga ro presyo makaron it bueak nga makolor nga naka-arrange ag may basket hay P500 samtang ro kulay puti hay nagahampang sa P400 ag ro mga mini flowers sigon hay P200.
Kadungan kara ro anang pag-engganyo sa mga bumaeakae nga haearan it bueak ro andang mga himata nga nagtaliwan eon sa pihak nga kinabuhi partikular makaron nga Nobyembre 2, All Souls Day.
