KALIBO, Aklan—Naging matumal makarun ro baligyaan it bueak sa mga flower shop sa banwa it Kalibo.
Raya hay matapos nga ginmando it national Inter-Agency Task Force IATF ro temporaryong pagpasarado it mga sementeryo umpisa ko Oktobre 29 hasta sa Nobyembre 4 bangud sa gihapon sa coronavirus disease 2019 ukon covid-19.
Suno kay certain “ Nani” sangka tindera it bueak sa Flower shop sa Roxas Avenue Kalibo nga haeos “balik capital” eamang ro andang mga ginabaligya makarun.
Maskin nga may sagkiri nga ginansiya hay maeayo gihapon raya sa andang kita kumpara ko nagtaliwan nga mga dinag-on.
Ko petsa 25, 26, ag 28 eamang suno pa kana sanda may kita apang kumpurmi eamang.
Samtang bangud sa Supertyphoon “Quinta” nasamaran man sanda it mga bueak bangud nga na-stranded ro andang supplier sa Batangas.
Apang obligado sa gihapon nga magbayad it mga gin-order nga stock.
Samtang, para sa mga magahingabot sa pagbisita sa mga sementeryo, ginpasiguro man kara nga bukas sa gihapon sanda agud nga magbaligya it nagkaeain eain nga klase it bueak hasta sa uman nga pagbukas it mga sememteryo.
Sa makarun hay bantay sarado it mga otoridad ro tanan nga pampubliko ag pribadong sementeryo sa banwa it kalibo agud masiguro nga indi anay magbisita ro mga pomoeuyo ag malikawan ro pagdueotdutan nga hugot nga ginabawae agud malikawan ro pagtaeapnan it COVID-19.
