Nagapabilin nga mahina ro baligyaan it mga prutas maskin nga limang adlaw eon lang ro nabilin antes ro pagsug-aeaw it bag-ong dag-on.
Suno sa fruit vendor nga si Ineng Villanueva nga nakapwesto sa Kalibo shopping center hay matumal gihapon ro andang kita maskin nga ko Disyembre 23 pa sanda nag-umpisa sa pagbaligya sa nasambit nga lugar.
Sa makaron suno kana hay may mabakae pa nga ubas nga P180 hasta P260 pesos ro kada kilo; kyat-kyat nga sang gatos ro sangka basket; ponkan nga may tig napueo pa ag mansanas apang maintok nga klase ag ro mga maeagko sanda it peras hay ginabaligya nanda sa tatlo sang gatos.
Aminado si Villanueva nga sa pag-abot it petsa 28 hay posibleng magataas eon ro presyo it mga prutas bangud sa demand it publiko.
Nasayuran nga kultura ag tradisyon it mga Kristyano ro pagkolekta it 13 nga bilog nga prutas sa nagkaeain-eain nga klase.
Mag-eowas kara, may mga bilog pang tsokolae nga ginadisplay sa lamesa kon sa siin makit-an ro prenstableng arrangement pag-abot it tungang gabie.
