KALIBO, Aklan—Balik operasyon eon ro mga proyekto sa idaeum it Department of Public Works and Highways ukon DPWH.
Raya hay sa padayun nga paeag it coronavirus disease 2019 ukon covid 19 pandemic.
Ginkumpirma ni DPWH-Aklan District Engineer Alejandro Ventilacion nga pila sa andang ginatutukan hay ro mga infrastructure projects.
Bangud nga tiempo eon it tag-uean rason nga naga-doble-kayod sanda sa pagtapos sa mga gina-obra nga revetment wall sa mga riverbanks kamana man ro pag-repair sa mga lubak-lubak nga karsadahon.
Ginhalimbawa kara ro nagapadayon nga road repair works sa parte it ibajay.
Isolated cases eamang sigon kon may mga proyekto nga na-delay ro anang completion.
Gindugang pa kara nga nagahimo sanda makaron it mga bag-ong proposals para maeakip sa 2022 budget.
Sa pihak nga parte, ginkalipay man ni Engr. Ventilacion ro pagsaylo nanda sa bag-ong tukod nga building.
Apang phase 1 pa eamang ro natapos ag may request pa sanda para sa phase 2 sa pag angkon it annex building ag third floor.
