Kalibo Aklan ————Nagpanawagan it bulig pamaagi sa Bombo Radyo ro sangka balut vendor agud nga maipaeubong ro anang namatay nga ama ko nagtaliwan pa nga Disyembre 24,2021.
Suno kay Joselito Crisostomo Perez it Barangay Pagsanghan,Banga nga nagapangatok imaw sa mga may mabinueawanon nga tagipusuon agud nga maipaeubong eun ro anang nagtaliwan nga ama nga si Jico Perez bangud mabuhay eun rayang namatay apang owa imaw it panggastos agud nga maihatod raya sa anang ulihing paeahuwayan.
Nasayuran nga naga isaeahanon eamang imaw nga unga ag nauna eun man nga namatay ro anang ina.
Samtang matapos nga maipaabot it Bombo Radyo sa kilaeang Aklanon youtuber nga si Archie Hilario ag bilog nga team it Pobreng Vlogger ro nasambitan nga hitabo hay nagpaabot eagi raya it kapin sa 10,000 pesos nga cash bilang bulig sa pamilya it namatayan.
