Ginmando it National People’s Coalition (NPC) nga kakason eon si suspended Bamban, Tarlac Mayor Alice Guo, halin sa listahan it andang mga miyembro bangud sa mga pabangod nga eakot raya sa ilegal nga Philippine offshore gaming operator (Pogo) hub sa anang banwa.
Ginmando raya ni NPC chairman ag dating Senate President Vicente “Tito” Sotto III matapos magbaton it petisyon halin kay Tarlac Gov. Susan Yap ko Hunyo 17.
Nauna eon nga ginpahayag ni Yap nga uwa nakatao si Guo it compelling evidence nga magapamatuod nga uwa it kamatuoran ro mga pabangod kontra kana.
Nasayuran nga ginpapanaugan it Office of the Ombudsman it suspensyon si Guo kasunod it mga reklamo nga ginpasaka it Department of Interior and Local Government (DILG).
Mag-eowas kara, nag-file man it kaso ro Philippine National Police – Criminal Investigation and Detection Group ag ro Presidential Anti-Organized Crime Commission it qualified human trafficking kontra kay Guo bangud sa alegasyon nga konektado imaw sa labor trafficking it haeos 500 dumueoong nga Pogo workers.
