KALIBO, Aklan—Humampak eon sa 100 ro kabilugan nga kaso it Coronavirus Disease 2019 ukon COVID-19 sa banwa it Banga.
Raya hay matapos nga madugangan it 7 nga panibag-ong kaso ko nagtaliwan nga adlaw.
Suno kay Ms. Donnalyn Siyambio, tagapaghambae it Municipal Inter-Agency Task Force it LGU-Banga nga sa makaron hay 7 pa ro andang aktibong kaso.
5 sigon kara ro naka-facility quarantined, sambilog ro admitted sa COVID ward it Aklan Provincial Hospital ag sambilog ro naka-home quarantined.
Suno kana, nagpatigayun eon sanda it contact tracing sa mga high risk contact it mga pasyente.
Ginahueat eon lang sigon nanda ro resulta it RT-PCR test it daywang ka mga indibidwal nga ginbue-an it swab.
Haeos kontrolado eon man suno kana it lokal nga gobyerno ro kaso it deadly virus sa nasambit nga banwa.
Sa pihak kara, nag-apela man imaw sa publiko nga likawan anay ro mass gathering ag ipabilin ro pagsunod sa health and safety protocols agud malikawan ro mas pang pagkalhit it virus.
