Agud nga malikawan ro disgrasya sa daeanon, ginpahayag it Banga Municipal Police Station nga padayun ro andang pagpadumdum sa mga motorista nga ro tanan nga klase it slow-moving vehicles kapareho it mga tricycle, motorsiklo, pedicab ag iba pa hay kinahangean nga magpabilin sa outer ukon shoulder lanes kon nagamaneho sa mga national highway.
Suno kay P/Major Jake Barela , hepe it Banga PNP nga raya hay bilang pagsunod sa bag-ong Memorandum Circular nga ginpaguwa it Department of Interior and Local Government (DILG) ag Republic Act 4136 ukon Land Transportation and Traffic Code .
Samtang, owa pa sigon nakabilog it tricycle route plan ro mga lokal nga gobyerno hay gina-engganyo nanda ro mga tricycle nga magpabinit kon naga-agi sa national highway .
Nasayuran nga uman nga nagpanawagan ro DILG sa tanan nga mga Municipal ag City Mayors nga ibawae ro pedicabs ag tricycles sa national highways sa bilog nga nasyon .
Raya hay angot gihapon sa nagapadayun nga road clearing operations .
Sa pihak nga parte, nagbutang eon man it road signages ro pulisya sa kilid it national highway nga sakop it banwa it Banga nga nagapadumdum sa mga nagamaneho it tricycles, motorsiklo, pedicabs ag iba pa nga bawae sanda sanda sa tunga it highway.
