KALIBO, Aklan—Uman nga nakalista it tatlong panibag-ong kaso it coronavirus disease 2019 ukon COVID-19 sa banwa it Banga.
Raya hay sangka 95 anyos nga babayi, symptomatic ag na-confined sa ospital ag makarun hay una eun sa recovery stage.
Ro daywang iba pa hay presenteng gindaea sa ligtas covid center it banwa nga parehong nakaangkon it close contact sa sangka manugturo nga nagpositibo sa covid-19 kung sa siin ko ulihi hay namatay.
Sa interbyu it Bombo Radyo, ginpahayag ni Donnalyn Siyambio, tagapaghambae it MHO-Banga nga sa makarun hay nakataeanang igapaidaeum sa swab test ro mga high risk contact it mga pasyente.
Sa makarun hay may una eun nga kabilugan nga 55 nga kaso it COVID-19 sa nasambitan nga banwa.
Sa nasambitan nga numero 3 sa mga raya ro aktibong kaso.
