KALIBO,Aklann–May pilang persons of interest eon ro Banga Municipal Police Station sa natabu nga pagpatay sa sangka 19 anyos nga babaye nga nasapwan nga nagaka-agnas eon nga bangkay sa sangka sapa bandang alas-9 kahapon it agahon sa Sitio Mangga, Brgy. Torralba, Banga.
Suno kay Patrolman Mark Gregor Panes it Banga PNP nga may ginatutukan eon sanda nga persons of interest kadungan ro pag-usoy it mga ebidensiya ag testimonya it pilang saksi.
Nagatuhaw nga bandang alas-5 it hapon ko Hunyo 9 sa sangka namatyan ulihi nga nakita nga buhi ro biktimang si Rochelle Ann Invina-Rodriquez kaibahan ro anang gina alegar nga nobyo ag sambilog pang eaeaki.
Sa ginpatigayon nga post mortem examination, nag angkon it limang igo it pagbuno ro babaye sa nagkaeain-eain nga parte it anang eawas.
Nakitaan man raya it fracture sa anang ueo ag lastro sa anang mga mata.
Ro biktima hay may limang dag-on nga unga ag separado sa anang live in partner