Kalibo Aklan ——-Uman nga nakalista it 10 ka mga panibag-ong kaso it coronavirus disease 2019 (COVID-19) sa banwa it Banga.
Suno kay Donnalyn Siyambio, tagapaghambae it Banga Municipal Inter-agency Task force nga siyam sa mga raya hay ro mismong pamilya ag naka-close contact it sangka health care worker nga nagatrabaho sa Aklan Provincial Hospital ag nagpositbo sa makamaeatay nga virus.
Ro nasambitan nga health care worker hay symptomatic ag presenteng naka-isolate sa COVID ward.
Samtang, nakaibahan man ro limang buean pa eamang nga eapsag sa mga nagpositibo nga high risk contact it pasyente.
Sa pihak nga parte, nagapadayun man makarun ro ginahimo nga contact tracing it Municipal IATF sa banwa it Banga matapos nga magpositibo ro sangka 73 anyos nga senior citizen ag residente it Brgy. Torralba.
Sa makarun hay may una eun nga kabilugang 94 nga mga kaso it COVID -19 sa nasambitan nga lugar.
