KALIBO, Aklan—Ginatan-aw nga mabahoe ro maging epekto sa ekonomiya it nasyon sa banggianay sa tunga it kampo it Marcos ag Duterte.
Suno kay Alliance of Concerned Teachers ukon ACT Partylist representative France Castro, magata-o it maeain nga impresyon sa mga investors ro mga kataga nga ginbuhian ni dating Pangueong Rodrigo Duterte kontra kay President Ferdinand Marcos Jr. kon sa siin gintawag nana raya nga “adik” ukon “bangag”.
Imbes nga maengganyo ro mga dumueoong investors nga magpamuhunan sa nasyon hay madismaya eon lang ro mga raya sa banggianay it mga naging lider it nasyon.
Mabaliwala suno kay Castro ro pag-engganyo ni Pangueong Marcos Jr. sa mga investors sa nagkaeain-eain nga nasyon nga anang mga ginabisitahan.
Mag-eowas kara, magatuga raya it kahadlok sa mga gustong bumisita sa Pilipinas bangud sa masangag nga pulitika ag mismong mga matag-as pang opisyales it nasyon ro imbolbado.
