KALIBO, Aklan—Nagapadayun ro imbestigasyon it pulisya sa bangkay it eaeaking nasapwan nga nakahapa sa kaeanasan sa Brgy. Tigayon, Kalibo, bandang alas-7:00 kaina it agahon, Nobyembre 25, 2024.
Nakilaea ro biktima kay Rolando Medina, alias Bong, 62-anyos, sangka construction worker ag residente it Brgy. Puis, New Washington.
Ro bangkay hay nakit-an nga nakahapa kaiping it anang bisekleta, kun sa siin nakitaan raya it nina sa anang itsura.
Ulihing nakitang buhi ro biktima it anang unga sakay it anang bisekleta paagto sa anang mga amigo agud nga makipag-inuman kahapon it hapon.
Ginasugid nga makadali raya nga nag-uli sa andang baeay kahapon agud nga maghatud it anang sweldo ag bugas sa anang asawa.
Presente pa nga ginatumod ro rason it anang pagkamatay.
