Igaipadaeom sa autopsy ro bangkay it 35-anyos nga overseas Filipino worker nga si Jullebee Ranara matapos nga raya hay mag-abot sa nasyon kabi-e adlaw it Biyernes maghalin sa Kuwait.
Suno kay Department of Migrant Worker (DMW) Secretary Susan Ople nga mismo ro pamilya ni Ranara ro naghinyu nga ipa-otopsiya ro bangkay sa National Bureau of Investigation (NBI).
Nagpatigayon eon sigon ro gobyerno it Kuwait it inisyal nga autopsy sa bangkay it namatay nga OFW samtang ro suspek nga 17-anyos hay buyot eon it mga otoridad sa nasambit nga nasyon.
Samtang, gin-insister man ni Senator Raffy Tulfo,nga may kapabayaan ro agency ni Jullebee Ranara nga naging rason sa pagkamatay it overseas Filipino worker.
Sa makaron, ginbutang eon man it Overseas Workers Welfare Administration (OWWA) sa blacklist ro employer ni Ranara nga Catalyst International Manpower Services Corporation.
Sa pihak nga parte, ginpasiguro man ni Kuwait’s ambassador to the Philippines Musaed Saleh Althwaikh nga maboue it mga kapamilya it biktima ro hustisya.
