Nag-abot eon sa anang residensya sa Tokyo, Japan ro motorcade nga nagdaea it bangkay ni dating Japanese Prime Minister Shinzo Abe.
Si Abe hay ginbaril samtang nagapaabot it anang diskurso sa sangka political campaign event ku nagtaliwan nga Biyernes it agahon sa southern city it Nara.
Ro mga pulis nga naga-imbestiga sa pagpatay hay nagpahayag nga ro suspek hay may eain it buot kontra sa sangka “specific organisation”.
Ro ginasugid nga gunman, nga ginkilaea kay Tetsuya Yamagami, 41-anyos, hay nagapati nga si Abe kay kaparte kara.
Gin-amin man ni Yamagami ro pagbaril kay Abe gamit aro sangka homemade gun.
Samtang,tag nag-abot ro bangkay ni Abe sa anang residensya sa Tokyo, pumila ro mga miyembro it anang nagahari nga Liberal Democratic Party (LDP), nga nakasuksok it itom, para magtao it respeto.
Ginaeauman ro pagbisita it presenteng punong ministro nga si Fumio Kishida sa burol ni Abe.
Samtang, sangka night vigil man ro pagahimuon sa Lunes ag ro eubong ni Abe hay igapatigayon sa Martes.
Mataeopangdan nga Si Abe ro pinaka may mahaba nga pagdumaea sa nasyong Japan bilang prime minister
