Posibleng magsaka ro inflation ko Oktubre bangud sa paghina it piso kontra sa dolyar ag sa pagmahae it mga produktong petrolyo pati tinuean-on, isda ag prutas.
Ginaeauman it Bangko Sentral ng Pilipinas (BSP) nga magataas sa 2-2.8% ro inflation ko Oktubre halin sa 1.9% ko Setyembre.
Nagmahae man ro presyo it mga produktong petrolyo ag pilang mga pagkaon.
Samtang, ginpahayag it Bangko Sentral ng Pilipinas nga nagnaba ro presyo it bigas ag karne pati eon ro kuryente nga magapatas sa pagmahae it pilang mga produkto.
Ginpanabaan man it Monetary Board it BSP ro interes sa mga pautang sa meeting kara ko Oktubre 16 kat amat-amat nga naganaba ro inflation.
Sa pagnaba it interes sa pautang, ginaeauman nga maengganyo ro mga negosyong nag-utang para magpaumwad nga makabulig sa pagpadasig sa paghueag it ekonomiya.
