Gindeklara ro flood emergency disaster sa bilog nga Bangkok matapos makalista it masobra sa 300 millimeters it uean sa sueod it tatlong adlaw nga nagresulta it maeapnagong pagbaha sa kabisera it Thailand.
Sa interview kay Bombo International News Correspondent Fernando Catane, maskin nga naghina eon ro pag-uean makaron nga adlaw it Lunes apang nagapabilin nga mataas ro lebel it tubi sa mga kanae rason nga ginlaygayan ro mga residente nga magpabilin anay sa andang tagsa ka mga panimaeay.
Apektado ro 50 distrito it Bangkok rason nga gindeklara it gobyerno bilang disaster zone agud mapadasig ro pagpaguwa it pondo para sa assistance it mga pumueoyong eomos sa baha.
Dugang pa ni Catane nga padayon ro operasyon it mga awtoridad sa pagbomba it tubi, apang puno eon man ro mga kanae rason nga mahinay ro pag-ilig kara kamana man ro paghubas it tubi-baha.
Samtang, nagpaandam ro Thai Meteorological Service nga posible pang makaangkon it mabaskog nga pag-uean sa bilog nga sang dominggo.
