Kalibo Aklan ———–Ginpakamayad eun lang it pilang ka mga residente it Barangay Capataga sa banwa it Malinao nga magparecord sa Malinao Municipal Police Station matapos nga mapaseawan nga makabo-oe it nagakaigo nga papeles sa andang Barangay Hall bangud sa sigon hay bukon raya it kaalyado sa pulitika.
Suno kay Donnie Arnesto , 35 anyos ag residente it nasambitan nga lugar nga nagdangop sanda sa opisina ni Barangay Kapitan Antonio Fernando kaibahan sanday Jericho Bataga , Kimbert ag Oliver Sampaton agud nga magpangayo kungta it Barangay I.D nga pagagamiton bilang requirements sa andang pagbo-oe it RSBA enrollment form.
Apang napas-eawan eamang ro mga raya bangud nga nagpamalibad si Kapitan Fernando nga mag-isyu kanda it Barangay I.D bangud sa sigon hay bukon nana raya it kaalyado sa pulitika.
Samtang hasta makarun hay ginatinguhaan pa it Bombo Radyo Kalibo nga mabo-oe ro pahayag ni Kapitan Fernando angot sa nasambitan nga isyu.
