KALIBO, Aklan—Bangud sa baeatian hay nagdesisyon ro sangka 42-anyos nga ginang nga putlon ro anang kaugalingon nga kabuhi sa banwa it Lezo.
Suno sa anang mister nga 62-anyos, gintinguhaan pa nana nga salbaron ro kabuhi it asawa, apang owa eon raya nagaginhawa.
Bandang alas-12:30 sigon kaina it aga-aga pagguwa sa andang kwarto hay nakita nana ro anang misis nga uwa eon nagaginhawa.
Nagapa-inom kunta imaw it bueong sa anang limang dag-on nga kamanghuran nga may eagnat rason nga nagbugtaw.
Gindugang pa it mister nga antes ro insidente hay gin-istorya imaw it anang asawa nga alagaan eon lang ro andang tatlong unga nga puro maintok pa bangud nga naga-oy eon imaw nga nagapangabuhi tuga it anang baeatian nga may kaangtanan sa sakit sa kidney stone, diabetes ag high blood.
Sa makaron hay nagapadayun pa ro imbestigasyon it Lezo municipal police station sa insidente partikular kon may foul play.
