Kalibo Aklan ———Bangud sa umigo nga kilat nga ginka-utod it primary line rason nga naka-experiensiya it medyu mahaba-haba nga brown-out bandang alas-6:55 kabi-e sa mga lugar nga ginaserbisyuhan it feeder 1 suno sa Aklan Electric Cooperative (AKELCO).
Suno kay AKELCO OIC General Manager Mega Mortalla nga insigida man nga naibalik ro power supply sa mga lugar nga apektado kara partikular sa Capitol Site, Kalibo hasta sa Banwa it Banga, Madalag ag Libacao kamana man sa portion it Balete ag Batan.
Daywang primary line sigon ro na-utod na nahamtang sa may Barangay Linabuan Sur ag Bacan sa banwa it Banga.
Samtang, gindugang pa nga nakaangkon man it tripped-off ro linya it NGCP rason nga naduea-an man it suplay it kuryente sa Barangay Caticlan ag Isla it Boracay, apang antes mag-alas-7 it gabi-e hay natigayon man nga maibalik.
