KALIBO, Aklan—Bangud sa maeapnagon nga panakawan it kasapatan, gin-engganyo ni punong barangay Wendell Tayco it Mobo, Kalibo nga ipa-record sa barangay ro mga ginabaligya nga alagang sapat kapareho it baka ag iba pa.
Suno kana nga tuyo kara nga maboe-an it identification ro mga nagabakae.
Panawagan pa nana sa mga may alagang sapat nga maging vigilante sa mga nagakatabu agud nga makapangaman bangud nga bukon it sa tanan nga oras hay nakabantay ro mga barangay officials ag mga tanod.
Samtang, base sa andang record, sangka insidente it pagkaduea it baka ro nai-record ko Disyembre it nagtaliwan nga dag-on nga makabig nga unresolved case ag hana nga pagtakaw it sambilog pa nga sa mayad nga swerte hay nabaeabagan.
Nadakpan sigon it mismong tag-ana it baka ro mga suspek nga ginakarga eon sa topdown ro anang sapat.
Apang owa eon sigon nag-reklamo ro mga raya sa kapulisan.
Sa pihak nga parte, ginkumpirma man ni kapitan tayco nga naghinyu man kanda ro konseho it Barangay Laguinbanua ko nagtaliwan nga domingo agud nga ma-review andang CCTV footage matapos nga may sangka mangunguma man ro naduea-an it alagang baka.
