KALIBO, Aklan–Bangud sa manami nga chemistry it ”big five” it Boston Celtics rason nga naka-una sanda it puntos kontra sa Golden State Warriors sa andang best of seven championship series it NBA Finals kahapon sa score nga 120 to 108.
Raya ro naging analysis ni coach Jovie Ote.
Suno kana nga ginpanipuslan it Celtics ro pagrelax it Warriors kat makalista it double-digit lead sa third quarter.
Ginpasamit sigon it Celtics ro unang kapierdihan it Warriors sa mismong balwarte nanda sa Chase Center.
Humataw ag bumalik sigon ro momentum sa Celtics sa fourth quarter, kun sa siin nakahimo sanda it siyam nga three-pointers nga nagresulta sa 40 points kumpara sa 16 markers it Golden State.
Gindugang pa ni coach Jovie nga mabahoe ro bulig it depensa ag opensa it Celtics nga ginka-shock it warriors.
Epektibo man sigon ro pagbueuligan nanday star Jayson Tatum, Jaylen Brown, veteran center nga si Al Horford, Marcus Smart ag iba pang players.
Sa pihak nga parte, ginaeauman suno kana nga magiging makahawat-hawat ro Game 2 sa Lunes nga adlaw bangud nga paniguradong magabawi ro Warriors.
