KALIBO, Aklan—Bangud sa ginapatuman nga sistemang multi-party sa Pilipinas rason nga may kinamatarung ro maabu nga mga partidong political nga magpadaeagan sa eleksyon.
Raya ro reaksyon ni Atty. Plaridel Morania, sangka batikang abogado sa probinsiya it Aklan sa paksyon nga nagapatunga makaron sa PDP-Laban.
Suno kana ro daywang paksiyon it nasambit nga partido hay may magkaibang opinyon kun sa siin ginaduso it kampo ni Energy Secretary Alfonso Cusi ro tandem nanday Senador Bong Go ag Pangueong Rodrigo Duterte bilang kandidatong Pangueo ag bise Presidente sa Mayo 2022 nga national elections.
Samtang, pormal man nga nagdeklara it anang kandidatura si Senador Manny Pacquiao sa idaeum it grupo ni Senador Koko Pimentel.
Kumpara dati suno kana nga 2-party system eamang ro ginapatuman sa nasyon rason nga maayos ag bukon it magulo ro eleksyon.
Bangud kara, gin engganyo ni Atty. Morania ro mga botante eabi eon ro mga pamatan-on nga maging wais sa pagboto agud nga mabutang ro angay ag bagay nga opisyal sa pwesto.
