KALIBO, Aklan — Padayun nga ginabueong sa Aklan Provincial Hospital ro sangka 58-anyos nga eaeaki matapos nga bugbugon it anang manak sa Brgy. Palay, Batan.
Ro biktimang si Ronnie Idao hay nag-angkon it mga kasakitan sa nagkaeain-eain nga parte it eawas tuga it mga sipa ag bayo halin sa suspek nga si Rogelio Reyes, sa legal nga edad ag parehong residente it nasambit nga lugar.
Base sa report, samtang nga nagaha-eot it gina-obrang silhig ro biktima sa guwa it andang panimaeay hay gina-alegar nga ginasinugod raya it namok rason nga nagpang-buwisit.
Nabatian sigon raya it suspek nga nagapapanaw eon kunta paagto sa banwa it Altavas sakay it anang motorsiklo.
Naakig sigon raya ag gulpi nga nagpanaog sa anang motorsiklo ag ginpaeapitan ro biktima ag ginbugbog.
Posibleng na-misenterpret sigon it suspek nga imaw ro ginahambaean nga buwisit it anang tatay-tatayan.
