KALIBO, Aklan—Ro Valentine’s Day sa nasyon it Israel hay ginaselebrar sa ibang buean ag bukon it kada Pebrero 14.
Suno kay Bombo International Correspondent Melly Jean Novilla it Tel Aviv, Israel nga simple apang romantic ro selebrasyon it Valentine’s day para sa mga tawu idtu.
Kaeabanan sigon sa magkarelasyon hay nagataeaw-an it bueak ag regalo bilang simbolo it andang pagpalangga sa kada isaea.
Apang, bangud sa pandemya hay ginalimitahan anay ro pagpatigayun it gatherings ukon date para malikawan ro pagkalhit it virus.
Sa pihak kara, maabu man nga mga pamaagi para ipabatyag it mag-couple ro andang pagpalangga eabi pa ag nauso eon makaron ro mga online surprise.
Nagapati si Novilla nga ro Valentine’s day owa eamang ginaselebrar kada Pebrero 14 kundi dapat nga adlaw-adlaw.
Dapat sigon nga bilog ro kumpyansa ag responsibilidad sa kada isaea agud nga mapabilin ro spark sa relasyon.
