Kalibo Aklan —–Bangud eamang sa selos, sangka eaeaki ro gingubat sa sueod mismo it ginatrabahuhan nga establisyemento sa Osmeña Avenue, Brgy. Estancia, Kalibo.
Nag-angkon it kahalitan sa nagkaeain-eain nga parte it eawas ro biktimang si Jeffrey Bahoy, 32-anyos, tumandok it Ocampo, Camarines Sur apang presenteng naga-istar sa Brgy. Polocate, Banga samtang ro ginatumod nga suspek hay ginkilaea kay Norion Dela Cruz, 25-anyos, residente it Brgy. Ambulong, Batan.
Base sa inisyal nga imbestigasyon it Kalibo PNP, nag-adto ro suspek sa ginatrabahuhan it biktima nga baealigyaan it burger kung sa siin ana rayang ginkompronta nga pundohon eun ro pagdiskarte sa anang nubya.
Ginpamalibaran sigon it biktima ro alegasyon it suspek rason nga naakig raya ag pwersahan nga nagsueod ag ginpaueanan it bayo ro tagreklamo.
Nasayuran nga magkatrabaho ro nobya it suspek ag biktima.
Matapos ro insidente hay insigidang gindaea sa Aklan Provincial Hospital ro biktima samtang ro suspek hay presenteng nakakulong sa lock up cell it Kalibo PNP.
