KALIBO, Aklan—Nakaposisyon ro mga personnel it Bantay Bayan para bantayan ro daeagan it trapiko sa banwa it Kalibo makaron nga Undas 2022.
Suno kay Fructuso Emilanan, team leader it Bantay Bayan nga nag-umpisa ro andang deployment ko Oktobre 31.
Hugut sigon nanda nga ginatutukan ro safe keeping it mga pumueoyo ag pagtao it traffic assistance.
Raya hay sa tunga it ginaeauman nga pagdagsa it mga tawo sa mga sementeryo para bisitahon ro andang mga mahae sa kabuhi nga nagtaliwan eon.
Pila sigon sa mga lugar nga ginabantayan nanda hay ro kahabaon it Medalla Milagrosa Cemetery, parte it Crossing Banga-New Washington ag Kalibo Municipal Cemetery.
Tig tatlo sigon ka mga personnel ro andang ginbutang sa kada area para magbulig sa iba pang law enforcement agency.
Nag-apela man raya sa mga pumueoyo nga makipag-kooperar sa mga otoridad agud nga malikawan ro pilang ka mga aberya.
