KALIBO, Aklan— Uman nga nagkampeon sa ginpatigayon nga Higante Contest bilang kaparte it selebrasyon it Kalibo Sto. Niño Ati-atihan Festival 2019 ro higante nga daea it banwang Balete nga nakaangkon it 45,000pesos bilang cash prize.
Nagpangaywa kara ro munisipalidad it Nabas nga nakaangkon it 40,000pesos; pangatlo ro banwa it Batan nga may 35,000pesos; pang ap-at ro Ibajay nga may 30,000pesos ag nag pang lima ro banwa it Kalibo nga nakaangkon it 25,000pesos.
Sa 17 ka mga munisipalidad hay 11 eamang ro nagpasakop sa nasambitang paindis-indis.
Apang, ro mga local government unit ukon LGU’s nga uwa it entries nga ginakaeakipan it Altavas, Buruanga, Lezo, Libacao, Makato ag Malay hay presente man sa nasambitang aktibidad kon siin nagpasundayag man sanda sa mga nagapangunang karsadahon sa banwa it Kalibo bitbit ro andang mga banner.
Ro higante parade contest hay dag-unan nga ginapatigayon it Aklan Provincial Tourism Office bilang kaparte ko selebrasyon it Sto. Niño Ati-atihan festival in honor sa patron Saint nga si Sr. Sto. Niño De Kalibo.
