KALIBO, Aklan—Nakalista eun lang makarun it kapin sa 10 ka mga aktibong kaso it coronavirus disease ukon covid-19 sa banwa it Kalibo.
Sa nasambitan nga numero, tig daywa kara hay maghalin sa barangay Andagao, Caano ag Estancia.
Samtang tig sambilog man ro maghalin sa barangay New Buswang, Mabilo , Nalook ag Tigayon.
Tatlo sa mga pasyenteng nagpositibo sa covid-19 hay nagpaidaeum sa home quarantine, 3 ro admitted sa ospital samtang ro ap-at hay naka-facility quarantine.
Samtang, ginpahayag ni Hernan Lorenz Laserna, focal person it Municipal Health Office ukon MHO-Kalibo nga umpisa kahapon nga adlaw hay owa eun it may nailistang panibag-ong kaso it covid-19 sa nasambitan nga banwa.
Sa pihak nga parte, ginpahayag man ni Laserna nga sa makarun hay nagapadayun ro ginahimo nga bakunahan sa mga inunga nga naga edad 12 hasta 17 anyos.
Samtang ro mga naga edad 5 hasta it 11 anyos hay nakataeanang pagabakunahan sa Pebrero 22.
Apang, base sigon sa andang pagsinueondan magabatun eamang anay sanda it naga edad 8 hasta 12 anyos nga pagabakunahan hasta nga amat-amat nga pagapanabaan ro andang age bracket.
