KALIBO, Aklan—May tyansa pang maging syudad ro banwa it Kalibo.
Raya hay maskin nga may kakueangan pa sa pilang ka mga requirements kaparehas it land area ag populasyon.
Sa ginpatigayon nga regular session it Sangguniang Bayan it Kalibo, gin-aprubahan it konseho ro resolusyon nga ginduso ni SB member Augusto Tolentino kon siin pwede sigon nga mag-apply ro lokal nga gobyerno nga maging syudad eon ro Kalibo base sa Republic Act 11683 ukon An Act Amending Section 450 of Republic Act No. 7160 otherwise known as The Local Government Code of 1991.
Ro nasambit nga laye nga napasa hay gin-author ni Senator Ping Lacson kon siin naga-provide raya it requisito para sa conversion it munisipalidad nga maging syudad.
Madumduman nga makapilang beses eon gintalakay it konseho ro plano nga maging syudad ro banwa it Kalibo bangud nga raya ro sentro it komersyo.
