KALIBO,Aklan– Generally peaceful.
Raya ro ginpahayag ni Municipal Disaster Risk Reduction and Management Office ukon MDRRMO-Kalibo Head Terence Toriano may kaangtanan sa selebrasyon it Sr. San Juan de Bautista.
Suno kay Toriano , zero major incidents partikular ro drowning incidents ko nagtaliwan nga Sabado kamana man kahapon nga adlaw sa pagselebar it nasambit nga kapistahan.
Owa sigon it naireport nga bisan ano nga San Juan related incidents sa banwa it Kalibo.
Base sa monitoring sigon it MDRRMO Kalibo nangin matawhay ro selebrasyon it Sr. San Juan de Bautista sa bilog nga sang adlaw ko sabado kamana man kahapon bangud may pilang ka mga beachgoers pa ro nag-eagas nga maka-adto sa mga baybayon.
Sa 24 oras sigon nanda nga pagmonitor hay haeos vehicular accidents rong andang ginrespondehan ag masami hay puro sa idaeom it makahielilong nga ilimnon ro imbulbado.
Angot kara, gindagsa gid sigon it mga tawo ro ginpatigayon nga pahampang ag concert ni Kalibo Mayor Juris Sucro sa may bahin it Pook Jetty Port.
Kun sa siin mabahoe ro pagpasaeamat ni Toriano sa mga naging kabulig nga mga response team bangud mabahoe ro naging papel it mga raya para maging madinaeag-on ro nasambit nga aktibidad.
Ginpahayag dugang ni Toriano , nga nakaangkon sanda it problema sa emergency medical service bangud sa kaabu it mga behikulo sa ibang area partikular sa may Pook Jetty Port nga nagtuga it grabe nga traffic rason nga nagpangayo sanda it bulig sa ibang respnse team nga nakastandby man sa nasambit nga area.
Sa pihak nga parte, sangka drowning incident sa sangka baybayon nga sakop it Brgy. Mabilo ro sambilog sa ginrespondehan it MDRRMO-Kalibo nga sa ulihi hay nasayuran nga prank malang gali rong tanan .
