KALIBO,Aklan– Uman nga ginbutang ro banwa it Libacao sa orange category ukon election areas of concern angot sa nagahilapit nga Barangay and Sangguniang Kabataan election.
Suno kay PSSgt. Jane Vega, assistant Public Information Officer it Aklan police provincial office nga raya hay partikular sa mga barangay it Dalagsaan ag Manika sa nasambit nga banwa.
Bangud sa mga insidente it encounter sa lugar sa tunga it militar ag new peoples army ukon NPA ro nangin basehan it pulisya.
Suno kana nga ro nasambit nga mga lugar hay maeapit sa mga dueunan it capiz ag iloilo nga kilaeang ginapugaran it rebeldeng grupo.
Kadungan kara, ginpasiguro it APPO ro pagdugang it numero it mga pulis ag soldado nga igabutang sa banwa kaibahan ro Quick Reaction Team para sa eleksyon sa Oktubre.
Sa makaron hay nagapabilin sigon nga insurgency free ro Aklan , apang padayun ro andang pagbantay ag owa sanda nagakampante.
