Kalibo Aklan ———–Padayun sa gihapon ro pagsipa it mga kaso it coronavirus disease (COVID-19) sa banwa it Malinao.
Suno kay Malinao Mayor Josephine Iquiña nga kahapon nga adlaw hay uman sandang nakalista it 13 ka mga panibag-ong kaso it COVID-19.
Bangud kara, humampak eun sa 136 ro andang aktibong kaso.
Samtang, ginpahayag pa kara nga sa makarun hay haeos punuan eun man ro Local Covid Center (LCC) it banwa rason nga nagpatuman pa it mas hugot nga pagsinueondan.
Mag-euwas sa striktong pag-implementar it nakabaehag sa Executive Order ni Aklan Governor Florencio Miraflores sandig sa pagpaidaeum sa bilog nga probinsiya sa Modified Enhanced Community Quarantine (MECQ) hay nagpatuman man sanda it “No movement on Sunday”.
Samtang sa pihak nga parte, ginpabutyag man ni Mayor Iquiña nga nagpositibo imaw sa COVID-19 kaibahan ro anang bilog nga pamilya.
Sa makarun hay naka-isolate sigon sanda ag nakataeana nga magatapos ro andang quarantine sa adlaw it lunes, pets 9 it Agosto.
