KALIBO, Aklan—Amat-amat eun nga nagnaba ro nailista nga kaso it coronavirus disease ukon COVID-19 sa banwa it New Washington.
Suno kay Dr. Daystar Sedillo, Municipal Health Officer it MHO-New Washington nga sa makarun hay may una eun lang sandang kabilugan nga 58 ka mga aktibong kaso it nasambitan nga masakit kung sa siin raya hay puro tanan ginpaidaeum sa facility quarantine sa andang local covid center ukon LCC.
Sa kabilugan hay may una sandang nailista nga kapin sa 782 nga total cases it covid-19.
Samtang kapin man sa 22 ro mga nailistang namatay bangud sa deadly virus.
Samtang ginpahayag dugang si Sedillo nga sa makarun hay haeos nagakapunuan eun man ro andang local covid center rason nga ginaplano eun it lokal nga gobyero nga himuon nga quarantine facility ro pilang ka mga eskwelahan.
Hugot man sa gihapon nga ginabawaean ro pagpatigayon it home quarantine sa mga pasyenteng nagapositibo sa covid-19
