KALIBO, Aklan—Nakalista it panibag-ong kaso it Coronavirus Disease 2019 ukon COVID-19 ro banwa it Numancia.
Raya hay sangka 27-anyos nga babaye nga ginasugid nga nakaangkon it close contact sa sangka pasyente nga nagpositibo sa COVID-19.
Ginpahayag nga ko Agosto 27 raya ginbue-an it swab specimen ag ginpadaea sa Western Visayas Medical Center Department of Pathology Sub-National Laboratory kung sa siin ro resulta hay nagguwa kahapon Setyembre 08, 2020 nga nagpositibo imaw sa SARS-COV2.
Nagapabilin nga asymptomatic ukon owa nagapakita it anumang sintomas it sakit ro pasyente kamana man nga presente rayang naka-strict home quarantine.
Samtang, nagapadayun pa ro monitoring ag active surveillance sa bilog nga banwa it Numancia.
Sa makarun hay nakalista eon it limang kumpirmadong kaso ro Numancia samtang nakalista mat-a it 35 nga kaso it COVID-19 ro bilog nga probinsya it Aklan.
