KALIBO, Aklan – – – Kampeon ro banwa it Nabas sa pagpasundayag kara it Higante Parade Contest 2018 nga may temang “Pangabuhian it mga Ati.”
90.60% ro nabo-oe kara nga score maghalin sa mga judges ag magabaton it 45,000 pesos nga cash prize.
Second prize ro banwa it Ibajay nga magabaton it 40,000 pesos nga cash prize ag nakabo-oe it 90.20% nga grado maghalin sa mga judges.
Samtang, third prize winner ro banwa it Tangalan nga nakabo-oe it 89.60% nga grado ag magabaton it 35,000 pesos nga cash prize.
Pumwesto man sa ika ap-at ro banwa it Madalag nga nakaangkon it 88.60% maghalin sa mga judges ag magabaton it 30,000 pesos nga cash prize.
Ro banwa man it Malinao ro nagbaton it 20,000 pesos bilang fifth prize winner ag nakabo-oe it 85.60 nga grado maghalin sa mga board of judges.
Pinaagi sa mga nagparada nga higante, ginpakita kara ro naga pangunang kabuhian it tagsa ka mga banwa sa Aklan.
Madumduman nga ro dag-unan nga Higante Parade Contests hay sambilog sa mga naga serbeng highlights it sang dominggong pagpasundayag kay Sr. Sto. Nino sa gina patigayun nga Ati-Atihan Festival ro gin bansagan nga “Mother of All Philippine Festivals”.
