Kalibo Aklan——Ginsuhestiyon ni dating Banga Mayor Antonio “antong” Maming sa pamunuan it Banga Auxiliary Police (BAP) nga taw-an anay it warning ro mga motorista nga nag-eabag sa traffic ordinance it lokal nga gobyerno it Banga.
Raya hay matapos ro sunod-sunod nga pagpaabot kana it reklamo it mga miyembro it BAP nga mag-eowas nga arogante hay sobra kataas ro ginasukot nga multa .
Gindugang pa kara nga sa 1st offense hay taw-an anay it paandam ag magpapanaog eon it multa sa 2nd offense .
Ro mga umaeagi nga motorista suno kana hay owa man nakasayod sa naga-eksister nga ordinansa it banwa partikular ro naga-eabag sa illegal parking .
Samtang, ginpahayag pa ni Maming nga paga-usisaon man nana sa head it BAP kon minatuod nga may porsiyento ro andang mga miyembro sa andang koleksyon sa gin-isyuhan it citation ticket.
