Gina-ekspekstar it mga opisyal it barangay Calangcang sa banwa it Makato nga maging masako sanda eabi eon gid sa pagtao it mga nagakaigong permits sa mga vendors sa nagahilapit nga Western Visayas Regional Athletic Association (WVRAA)Meet 2023.
Suno kay Brgy. Captain Neil Tumbukon nga sambilog sa andang ginapreparahan makaron hay ro pagtao it permit sa mga vendor nga gustong magbaligya sa guwa it Calangcang sports complex.
Nauna eon nga gin-anunsiyo nga ginabawaean ro pagpabligya sa sueod it pasilidad.
Angot kara, kapin sa 20 ka mga negosyante eon sigon ro nagproseso it andang mga permits para makabaligya sa nagahilapit nga pinakamabahoe nga sporting event sa region 6.
Panawagan man ni Tumbukon sa mga manugbaligya nga siguraduhon nga mapabilin ro kalimpyo it palibot eabi eon sa andang mga pwesto
