KALIBO, Aklan — Nagakabaeaka si Punong Barangay Rannie Tolosa it Caticlan ag LIGA ng mga Barangay President it Malay sa padayun nga pag-inabu it nailistang kaso it nagamasakit it dengue sa nasambit nga banwa .
Bangud kara, ginpahayag nga mas pa nanda nga ginpabaskog ro andang kampanya kontra sa mga namok nga nagadaea it nasambit nga sakit .
Suno kana nga sa kabilugan nga 307 nga kaso sa banwa it Malay nga imaw ro pinakamataas sa bilog nga Aklan, ro Caticlan hay nakalista it 53 nga kaso.
Uman nga gin-activate ag ginmanduan sigon nana ro anang mga Barangay Health Emergency Response Teams nga mag-house to house para sa information dissemination ag libuton ro bilog nga barangay partikular sa mga may nailistang maabung kaso ag magpatigayon it “search and destroy” operations kontra dengue.
Importante sigon ro pagbueuligan it tanan pinaagi sa paglimpyo sa posibleng gina-itlugan ukon breeding sites it namok kapareho it mga nakatambak nga lata, bote, kariton it saeakyan ag iba pa.
Ginlaygayan man nana ro tanan nga mag-agto sa health center ag magpa-check-up kon makabatyag it anuman nga sintomas it dengue agud nga makalikaw sa kamatayon.
