Kalibo Aklan ———Bangud sa nagatinaas nga kaso ag mga nagakamatay sa COVID-19 sa probinsiya it Aklan, uman nga nag-apela ro Barangay council it Estancia sa publiko nga seryosohon ro mga ginapatuman nga health protocols.
Suno kay Kagawad Arnel Marcelino it nasambit nga Barangay nga raya eamang sa makaron ro pinaka nagapangunang kinahangean agud nga masuk-ean ro pagkalhit it virus.
Nataeupangdan suno kana nga may pila nga owa nagapati sa halit it COVID, rason nga nagapasaway ag owa nagasunod sa mga ginapatuman nga protocols.
Gindugang pa ni Kagawad Marcelino nga kinagangean nga magkooperar ro tanan agud nga indi eon magbuhay ro ginapatuman nga pag instrikto kapareho it naexperiensiyahan makaron.
Sa pihak nga parte, gindugang pa it opisyal nga likawan ro diskriminasyon sa mga nagpositibo sa deadly virus eakip ro andang mga miyembro it pamilya.
