KALIBO, Aklan–Preparado sa gihapon ro barangay council it Poblacion, Kalibo sa pagsabat sa padayon nga naexperiensiyahan nga pandemya tuga it COVID-19.
Suno kay Punong barangay Niel Candelario it Poblacion, Kalibo nga may gina-monitor sanda makaron nga sangka high risk contact it nagpositibo sa virus nga taga-banwa it Banga.
Nasayuran nga ro Kalibo hay naka-alerto man matapos nga makalista it tatlong kaso nga naghalin sa Andagao, Nalook ag Tigayon.
Ginpahayag dugang nga nakaplastar sa gihapon ro andang natungdan nga tikang agud nga mapugngan ro uman nga pag-alagwa it kaso kamana man ro mga kinahangeanon nga food packs sa mga iga-isolate ukon igapaidaeum sa quarantine.
Haum man sigon sanda nga magsunod sa mga pag instrikto nga igapatuman, kun sa siin uman nanda nga iga-inspection ro mga establisimento nga naisyuhan it Safety Seal Certification.
Angot kara, uman nana nga ginpadumdum ro tanan nga padayun nga magsunod sa ginapatuman nga health and safety protocol.