Kalibo Aklan ——-Hugut nga ginapatuman it Barangay Council it Brgy. Tambak , New Washington ro ginpasa nga ordinansa angot sa mga naga-uli nga Locally Stranded Individual (LSI) sa andang lugar.
Suno kay Tambak Barangay Captain Lucille Macario nga ro tanan nga mga naga-uli nga LSI hay obligado nga magpaidaeum sa 14 diyas nga mandatory quarantine.
Bawae eon suno kana ro home quarantine bangud sa paeag it coronavirus disease 2019 ukon covid 19.
Bangud nga punuan eon ro ligtas covid center it andang banwa rason nga ro mga day care centers ro andang gintaeana nga quarantine facility.
Ro pagkaon sigon it mga raya hay pagasabton it mga lokal nga gobyerno.
Sa pihak nga parte, business as usual eon suno kana ro mga restaurants sa Brgy. Tambak, apang nagapabilin nga bawae ro pag-inom it aeak ag sarado ro mga lodging houses.
