Barangay  kagawad  Mark Sy it Poblacion Kalibo  opisyal eon nga nagpanaog  sa  pwesto

Ginkumpirma mismo  ni punong barangay Neil Candelario  nga nagresign eon  sa anang  puwesto bilang barangay kagawad it  Poblacion Kalibo si Mark Sy   agud nga matutukan  ro trabaho bilang  tagapaghambae ni Kalibo Mayor Juris Sucro.

Naging epektibo ro resignation ni  Mark Sy ko Pebrero 28,  2023.

Kadungan kara,  gin engganyo ni  kapitan Candelario ro  mga interesado nga magabueos  sa ginbakanteng pwesto ni Mark  Sy nga magpasa  it letter of intent.

Base  sa  laye,   pagabotohan it konseho  ro sin-o man nga igabueos nga kagawad  halin  sa mga nag apply sa nasambit nga  posisyon.

Nasayuran nga  sambilog  sa  mga nagpahayag it  interes  sa  pwesto hay ro manghud man ni  Mark Sy.